Добредојдовте на веб страната на општина Зрновци
Преку кањонот на реката Зрновка, археолошкиот локалитет Моробиздон, како и повеќето цркви и манастири, општината Зрновци претставува овековечено место на многубројни природни и историски реткости што преставува перспектива која ветува успех. Нашата основна преокупација и занимање на голем број семејства е земјоделството, па од тука животот на овие простори подразбира напорна работа, верба во Бога и приврзаност кон земјата.
Блаже Станков - Градоначалник
Вести
ОПШТИНСКО - КОРИСНА РАБОТА ЗРНОВЦИ 2017
Почитувани сограѓани,
Општина Зрновци, задоволна од резултатите на предходните проекти од програмата Општинско-корисна работа планира да аплицира со проект на новиот повик за ОКР објавен од страна на УНДП. За таа цел Ве повикуваме да го дадете Вашето мислење за приоритетите во нашата општина од сверата на социјалната заштита. Ве покануваме да го посетите порталот http://moja-opstina.mk/ Постапката е едноставна и брза. Искрено се надеваме дека ќе бидат избрани најсоодветните приоритети а општината ќе аплицира со проект кој ќе биде подржан од страна на УНДП.
ВЕСТИ
Почитувани,
На 29.10.2016 год на иницијатива на Градоначалникот на општина Зрновци, во Домот на културата со почеток во 19ч се одржа јавен собир на граѓаните на тема: Мостот на река Брегалница.
На линкот подолу е Записникот од јавниот собир на граѓани.
СТРУЧНА РАСПРАВА ПО ПРОСТОРНИОТ ПЛАН НА ИСТОЧЕН ПЛАНСКИ РЕГИОН
Почитувани сограѓани,
Ве информираме дека на ден 25.10.2016 година (вторник) со почеток во 11:00 часот во просториите на општина Штип ќе се одржи Стручна расправа по Просторниот план на Источен плански регион (Нацрт план) и Јавна расправа по Извештај за Стратегиска оцена на влијанието врз животната средина за Просторниот план на ИПР (Нацрт Извештај).
Во продолжение се линковите за двата документи:
http://www.moepp.gov.mk/wp-content/uploads/2015/01/SOZS_PPIPR_draft-final.pdf
http://www.moepp.gov.mk/wp-content/uploads/2015/01/Nacrt-plan-PPIPR.pdf
ОПШТИНСКО КОРИСНА РАБОТА ЗРНОВЦИ 2016
Почитувани сограѓани,
Програмата Општинско-корисна работа продолжува и во 2016 год. Со цел подобро информирање на своите граѓани за програмата, како и соодветно дефинирање на приоритетните услуги од социјалната сфера, Ве молиме да ја користите апликацијата која се наоѓа на веб страната: http://moja-opstina.mk/
Апликацијата може да се пополнува на повеќе јазици и е само –објаснувачка т.е. движењето низ неа е лесно. Периодот на користење на апликацијата е 20 дена.
Ги очекуваме Вашите предлози и сугестии!
Општина Зрновци
Објавен тендерот за изградба на мост на река Брегалница
Почитувани граѓани,
Со особено задоволство, ве информираме дека тендерската постапка за изградба на мостот на река Брегалница е во тек.
Тендерот е објавен на 24 март, а отварањето на понудите ќе се изврши на 27 април. Со градежните активности треба да се отпочне втората половина на мај.
За подетални информации:
http://procurement-notices.undp.org/view_notice.cfm?notice_id=28853
Чистење на речните корита на Брегалница и Зрновка
Општина Зрновци заврши со првиот дел чистење на речните корита на Брегалница и Зрновка, според акциониот план за 2015 год. Од Брегалница исчистени се вкупно 1230м а од Зрновка 250м.
